Mai yu to ab tumme hi basta hu,
Tere hriday k komal bhawo ko rachta hu,
Tum soti ho ummido ke pankho par,
Apne sundar-swapn sajaaye.
Jo dhadkan ban kaid hua ho dil me tere,
Kaise tujhse door wo jaae?
Mai har pal teri palko par thehra hu,
Mithe sapno ki dehri par pehra hu.
Tum jab palkon ko khola karti ho,
Har saksh mere aks se tola karti ho.
Mai teri pad-chaapon me,
Teri sadhi hui saanson me,
Laybaddh geet sa mukhrit hu,
Tujhse milkar o madhu yamini pulkit hu.
Tum chatak sa ter rahi ho,
Swati jal bundo ko her rahi ho,
Mai kaali badri ban chhaunga,
Tum tak swati jal ban aaunga.